Во рамките на охридскиот музички фолкор незаобиколно треба да се спомене творбата "Билjана платно белеше". Времето на создавањето на песната не може да се утврди. Наjраширено е сфаќањето дека таа е испеана од народен пеач во минатото кога по римскиот пат Via Egnatia поминувале низа карвани кои носеле вино од Македониjа за европските земjи. Врз основа пак на сериозните прочувања на неjзината мелодиска структура констатирано е дека таа е од поново време ( наjвероjатно од XIX век) кога музиката што се создавала на овие простори била под силно влиjание на западноевропското музичко творештво. "Билjана платно белеше" и денес е своевидна ода за Охрид.

Во периодот од XVI до XIX век значаjно се усовршувала црковно-музичката уметност. Во тоа време се создадени броjни композиции кои и денес се употребуваат во црковните служби. Во тоj период како значаjни композитори се поjавуваат Данаил Првопевец, Јован Трапезунски, Петар Берекет, Петар Ефески, Тодор Фокеjски, Јаков Пелопонески, Мануил Византиец, Григориj Левитски, Георги Критски, Петар Лампадариj и некои други. Нивните дела се создадени врз основа на литургиите и црковните служби. Треба да се истакне дека творбите имаат високи уметнички квалитети. Но, по укинувањето на Охридската архиепископиjа доаѓа до влошување на условите така што и не се постигнати некои позначаjни остварувања на полето на црковното пеење.